Demo: 295 të lënduar në gjashtë ditë protestash, 186 prej tyre policë

Ministri i Punëve të Brendshme, Demo, deklaroi se gjatë gjashtë ditëve të protestave në Tiranë janë lënduar 295 persona. Sipas tij, 186 prej tyre janë punonjës të Policisë së Shtetit, ndërsa të tjerët janë protestues, kalimtarë dhe gazetarë.

Deklarata u bë në një takim në Ministrinë e Brendshme me kryeministrin Edi Rama dhe drejtuesit e Policisë. Ministri u ndal te sulmi i natës së kaluar ndaj Komisariatit nr. 3, ku sipas tij u lënduan edhe efektivë që ndodheshin brenda godinës, disa prej tyre me djegie.

Vetëm natën e 17 tetorit u raportuan të paktën 65 të lënduar, mes tyre 37 policë, 24 protestues dhe 4 kalimtarë, nga të cilët njëri i mitur. Dymbëdhjetë persona mbetën të shtruar në Spitalin Universitar të Traumës.

Ministri tha se niveli i dhunës ka kaluar kufijtë e një proteste studentore dhe kërkoi mbështetje të plotë për Policinë në garantimin e protestave paqësore.