Balluku sërish në SPAK: Hetimet për tenderët e Llogarasë dhe Unazës zgjaten deri në janar

Ish-zëvendëskryeministrja Belinda Balluku u paraqit sërish në Prokurorinë e Posaçme, e shoqëruar nga avokati i saj.

Sipas burimeve të Top Channel, Ballukut iu komunikua zgjatja e afatit të hetimeve, të cilat pritet të vazhdojnë deri në janar. SPAK nuk ka dhënë një njoftim zyrtar për këtë.

Në takim u diskutua edhe data kur ajo do të japë shpjegime, e cila do të caktohet në bashkëpunim me prokurorinë.

SPAK e heton Ballukun për shkelje në procedurat e tenderëve të Tunelit të Llogarasë dhe të Unazës së Madhe në Tiranë. Ajo i ka mohuar akuzat.