Panairi i makinave në Paris tërheq 500 mijë vizitorë, 25 nga 60 markat janë kineze

Rreth 500 mijë persona vizituan këtë vit panairin e automjeteve “Mondial de l’Auto” në Paris, një nga ngjarjet më të mëdha të industrisë në Europë.

Vëmendjen më të madhe e tërhoqën prodhuesit kinezë: 25 nga 60 kompanitë pjesëmarrëse ishin marka kineze, si Zeekr, Changan, Denza dhe AITO, të cilat prezantuan modelet e fundit dhe synojnë të zgjerohen në tregun evropian.

Panairi u zhvillua në një kohë kur tensionet tregtare mes BE-së dhe Kinës vazhdojnë të ndikojnë në industrinë e automjeteve.

Për t’u shmangur tarifave europiane, disa prodhues kinezë po shqyrtojnë ose kanë nisur tashmë prodhimin në fabrika brenda Europës.