Tregu i pesticideve në pak duar: Shtatë importues dominojnë prej mbi 20 vitesh

Për fermerët shqiptarë, pesticidet janë një nga kostot më të rënda: ato zënë mbi 30% të shpenzimeve të prodhimit. Sipas të dhënave doganore, vetëm në vitin 2025 u importuan rreth 1,979 tonë kimikate bujqësore me vlerë 16.7 milionë euro.

Tregu funksionon si oligopol. Shtatë kompani importuese e kontrollojnë atë prej më shumë se dy dekadash, disa prej tyre që nga vitet ’90. Shumë prej tyre kanë të drejta ekskluzive për markat që importojnë dhe tregtojnë edhe plehra kimike.

Herbicidet janë kategoria më e shitur, me rreth 573 mijë kg në 2025, ndërsa fungicidet janë më të kushtueshmet, mbi 836 milionë lekë. Insekticidet kapën rreth 534 mijë kg. Në tetë muajt e parë të 2026-s importi vlerësohet në 8.2 milionë euro.

Autoriteti i Konkurrencës kishte nisur në vitin 2021 një hetim për këtë treg. Fermerët kërkojnë më shumë konkurrencë dhe kontroll, që çmimet të mos i shtyjnë jashtë tregut.