Trump njofton marrëveshje me Putinin për 4.8 milionë ton naftë ruse

Presidenti amerikan Donald Trump njoftoi se ka arritur me presidentin rus Vladimir Putin një marrëveshje për furnizimin e tregjeve amerikane dhe botërore me naftë ruse. Njoftimi erdhi pas një bisede telefonike, që Trump e quajti jashtëzakonisht të suksesshme.

Sipas tij, Rusia do të vërë menjëherë në dispozicion mbi 300 mijë ton naftë, do të dorëzojë 500 mijë ton të tjera në nëntor, një milion ton më vonë dhe tre milionë ton në një afat të shkurtër. Nëse zbatohet plotësisht, sasia arrin mbi 4.8 milionë ton.

Trump parashikoi rënie të shpejtë të çmimeve dhe tha se ulja e kostos së energjisë është prioritet, sidomos për fermerët, blegtorët dhe kamionistët.

Sipas Reuters, nafta në SHBA është shtrenjtuar rreth 70% që nga fillimi i luftës me Iranin, deri në 6.28 dollarë për galon. Njoftimi vjen pak javë para zgjedhjeve të mesit të mandatit, më 3 nëntor.