Eurostat: Leku, monedha që u forcua më shumë ndaj euros në 10 vite mes 40 valutave

Në gusht të vitit 2016 një euro blihej me 136.51 lekë. Në gusht të këtij viti kursi zyrtar ishte 92.78 lekë. Kjo do të thotë se euro ka humbur rreth 32% të vlerës ndaj lekut, forcimi më i madh mes 40 monedhave të analizuara nga Eurostat.

Asnjë valutë tjetër nuk i afrohet lekut. Franga zvicerane u forcua rreth 14% ndaj euros, korona çeke rreth 10.5% dhe dinari serb rreth 5%. Denari maqedonas mbeti pothuajse i pandryshuar, rreth 61.5 për euro.

Shumica e monedhave u dobësuan. Lira turke kaloi nga 3.32 në mbi 55 lira për euro, ndërsa dollari amerikan lëvizi lehtë, nga 1.12 në 1.16 dollarë për euro.

Eurostat mat vetëm ndryshimin e kursit, jo shkaqet. Ekonomistët e lidhin forcimin e lekut me rritjen e hyrjeve në valutë nga turizmi dhe remitancat, si dhe me fluksë të tjera, një pjesë e të cilave thuhet se kanë hyrë përmes sektorit të ndërtimit.